♥ પંચમ શુક્લ
અનિમેષ આ આંખનો ઉન્મેષ છે નવો,
હર દૃષ્યમાં દૃષ્ટિનો પરિવેષ છે નવો.
છે શૂન્યમાં પૂર્ણ એ સંપૂર્ણ શૂન્ય છે,
નિઃશેષમાં શેષ છે, અવશેષ છે નવો.
ઉચ્છવાસનો, શ્વાસનો સંચાર છે નવો,
અનુભવ નવો સ્પર્શનો, લવલેશ છે નવો.
નિર્બોધ સંવાદ, પ્રત્યાયન નવીન છે,
અતિમૂઢ માધ્યમ સ્વયં સંદેશ છે નવો.
અતિરેક આનંદનો, આવેશ છે નવો,
આ અષ્ટભૂજા અહો! આશ્લેષ છે નવો.
2 Comments
અતિરેક આનંદનો, આવેશ છે નવો,
આપનો બ્લોગ પણ નવો છે.
Aha! ‘Che shunya maa purna e sampoorna shunya che..’ Kya baat hai! Aakhi ghazal bahu j Saras..To pull off a ghazal with words like these needs extraordinary skill..
(PS: Panchambhai, gujarati maa type karvani bahu faavat nathi etle Angreji vaparvun pade che!)