♥ પંચમ શુક્લ
કોઈ દેખે હિજાબની છાયા,
કોઈ પેખે શબાબની છાયા!
રાખીને ફૂલછાબે ધંતૂરો,
માણવાની ગુલાબની છાયા!
જાગૃતિની જ રમ્ય તંદ્રાનું,
નામ બીજું શરાબની છાયા!
જાગવા પણ ન દે ન સૂવા દે,
પુષ્ટ વક્ષાળી ખ્વાબની છાયા!
શિર ઉપર આસમાની ચામર ને,
કોણી હેઠળ તુરાબની છાયા!
એક નળિયું ને એક ચાંદરણું,
રાતભર બસ જનાબની છાયા!
એક ક્ષણની “આપ-લે”નો વિનિમય ને,
ઉમ્રભરના હિસાબની છાયા!
[છાયા- છાંયો, પડછાયો, એકંદર સ્વરૂપ, અસર, છાપ, ઓથ, વળગાડ
તુરાબ – જમીન]
2009-2014
9 Comments
તમારી શૈલી જ નિરાળી છે… વાહ વાહ …
Thanks.
beautiful!
[http://graphics.hotmail.com/emarrow_right.gif]What matters is the vision![http://graphics.hotmail.com/emarrow_left.gif]
________________________________
Thanks.
સરસ !
મજાનાં કાફિયાનો સુપેરે વિનિયોગ….
ટૂંકી બહરમાં સુંદર ગઝલ..
સરસ રચના. અર્થસભર અને ટૂંકી બહરમાં સુંદર રચના.
છાયા રદીફ વાપરી કવિશ્રીએ શબ્દો પાસેથી સુપેરે કામ લીધું છે
મઝા પડી
જાગૃતિની જ રમ્ય તંદ્રાનું,
નામ બીજું શરાબની છાયા!
—
આપ તો સ્વપ્નો મહીં સ્વપ્નો જુઓ
જાગૃતિના નામમાં યે ઘેન છે!
—
એક ક્ષણની “આપ-લે”નો વિનિમય ને,
ઉમ્રભરના હિસાબની છાયા!
વાહ! વાહ!