બંધન

♥ પંચમ શુક્લ  ગરજવાનને અક્ક્લ સાથે બાંધી દીધો, ગાંધીવાદીને ખદ્દર સાથે બાંધી દીધો! ‘અણુ અણુમાં વ્યાપ્ત’ કહી ઉઘાડે છોગ, વિશ્વંભરને પથ્થર સાથે બાંધી દીધો! આંગળીઓએ રમત રમીને કેવો લપેટ્યો? અંગૂઠાને ચપ્પલ સાથે બાંધી દીધો! ચપરાસી શો ચાંપ દબાવી ફરતો રાખ્યો,  પવન-જનકને છપ્પર સાથે બાંધી દીધો! વરસો સુધી  ભટકાયાનું યાદ અપાવે, ઘોબો કેવો ટક્કર સાથે બાંધી દીધો !? ૧૦/૫/૨૦૧૦  

કેટલામું દિલ્હી?

♥ પંચમ શુક્લ સાવરણીએ ઝપટાયેલો જરકશી જામો જોઈ લો! ગિલેટ જેમ જ ગરી ગયાં સોનેરી નામો જોઈ લો! ભીમનું ભાણું હળવું કરતો શકુનિ-મામો જોઈ લો!  તેડું તમાશાનું છે – મૂકી પડતાં કામો – જોઈ લો! બૂંધિયાળ આડો ઊતરેલો બિલ્લો-ઓબામો જોઈ લો! “રઘુપતિ રાઘવ…” રાખ વડે ઊટકાતાં ઠામો જોઈ લો!  ખૂલ્લી ચકલી બંધ થશે શું ભડભડ […]