ધૂણો ધખધખે દિગંતનો

♥ પંચમ શુક્લ

ધૂણો ધખધખે દિગંતનો;
કિયા રે આકાશી મહંતનો?
ધૂણો ધખધખે દિગંતનો!

ધૂણો ભમ્મર ગોટા કાઢે;
ધૂણો ડમ્મર ગોટા કાઢે;
ઢાંકે અંબર રાખ રાખોડી..

વાદળનું દળકટક ખાંગું;
એક ફલાંગે લે પલાણી;
વીજ હાવળતી ઘોડી..

વરસે તડતડાટ અનંતનો!
ધૂણો ધખધખે દિગંતનો !

ફેબ્રુઆરી ૨૦૧૦

11 Comments

  1. Posted July 7, 2013 at 9:28 am | Permalink

    Good poem…

    વરસે તડતડાટ અનંતનો!
    ધૂણો ધખધખે દિગંતનો !

  2. Posted July 7, 2013 at 9:31 am | Permalink

    ધૂણો ભમ્મર ગોટા કાઢે; ….વીજ હાવળતી ઘોડી..

    ઘોડી નદીની જેમ સરપટ ભાગે છે, વાચકને સાથે લઈને!

    એ જોતાં ‘તડતડાટ’ લાંબું પડ્યું..ગતિ તૂટી.

  3. pragnaju
    Posted July 7, 2013 at 12:16 pm | Permalink

    ધૂણો ભમ્મર ગોટા કાઢે;
    ધૂણો ડમ્મર ગોટા કાઢે;
    ઢાંકે અંબર રાખ રાખોડી..
    અ દ ભૂ ત
    આ નામને હોમતા રહેવું ઘટે,
    તો જ ધૂણો ધખે ધખતો રહે.
    જે સ્વ. નામને હોમી જાણે એનો ધૂણો જ ધખી જાણે.
    પછી એ ધૂણાનું ચમત્કારી ફળ સહુને મળે.
    ધૂણો ધખાવનાર પોતે એમાંથી ફળ મેળળીને પેટ ન ભરે.
    ધૂણાનું ફળ તો અન્ય સહુને મળે.
    વરસે તડતડાટ અનંતનો!
    ધૂણો ધખધખે દિગંતનો !
    મા કવિવર રાજેન્દ્રભાઇ નો ધૂણો
    નિરખે તું તે તો છે નિંદર, ચેત મછંદર,
    ચેતવ ધૂણો ધીખી અંદર, ચેત મછંદર !
    છે આવરણ અંગાર માથે રાખનુંભીતર,
    ધધખતો યાદનો ધૂણો હતો !

  4. Posted July 7, 2013 at 12:16 pm | Permalink

    પ્રિય પંચમભાઈ

    ધૂણે ધખધખે દિગંતનો ..દરેક જણ આ અનુભૂતિ કરે છે ,જુદી જુદી રીતે ..
    ચિત્રકાર , છબીકાર ,કલાકાર ,સાધુ ,સાધક ,વૈજ્ઞાનિક (બધુંજ આવી જાય -ડાર્ક
    એનર્જી /ડાર્ક મેટર /મેટર )…
    તમે કવિ રુદયથી સાધ્યુ છે …અભિનંદન
    આજ ઉત્સાહમાં ફોટોકું જોડું છું .

    પરપોટો

    તાક :આ ટીપ્પણી તમારા બ્લોગમાં મુકશો તો આભારી થઈશ .

  5. sudhir patel
    Posted July 7, 2013 at 4:21 pm | Permalink

    Very nice and energetic feelings in the poem!
    Sudhir Patel.

  6. Kirtikant Purohit
    Posted July 8, 2013 at 7:14 am | Permalink

    અધ્યાત્મનું પ્રકૃતિમા સરસ નિરૂપણ

  7. Posted July 8, 2013 at 3:59 pm | Permalink

    ધૂણો ધખધખે દિગંતનો;
    કિયા રે આકાશી મહંતનો?
    પંચમભાઈ, સરસ કલ્પના. જો કે બે અંતરાથી ધરવ ના થયો. વરસાદનો વિષય હોય તો આટલામાં થોડું પૂરું થાય .. વરસાદ તો ધોધમાર જ જામે …

  8. Posted July 10, 2013 at 12:11 am | Permalink

    વાહ! ધખાવ્યો ધૂણો પંચમભાઈએ. એક અલગારી જગ્યાના આ દર્શન કેટલા વિસ્તરી શકે તે આપે ઝીલી બતાવ્યું.

    રમેશ પટેલ(આકાશદીપ)

  9. Posted July 13, 2013 at 7:09 am | Permalink

    ધૂણો ધખધખે દિગંતનો;
    કિયા રે આકાશી મહંતનો?
    ધૂણો ધખધખે દિગંતનો!

    ધૂણો ભમ્મર ગોટા કાઢે;
    ધૂણો ડમ્મર ગોટા કાઢે;

    ખૂબજ સુંદર ! ભતૃહરી નું ભજન ની યાદ આપાવી… ધૂણી રે ધખાવી બેલી, હરિ તારા નામની !

  10. Posted July 25, 2013 at 7:41 am | Permalink

    સુંદર શબ્દચિત્ર! કલાત્મક વર્ણન!

  11. Posted September 13, 2013 at 1:28 am | Permalink

    અલખનું શબ્દરૂપે અદ્ભૂત વર્ણન.અનોખા પ્રકારની રચના માટે પંચમભાઇ જાણીતા છે જ.


Post a Comment

Required fields are marked *
*
*

%d bloggers like this: