♥ પંચમ શુક્લ
મંદ મઘમઘતો પવન તારા-જ સ્મરણો લાવશે !
ફૂલ પાંખડીઓય ખરનારા જ સ્મરણો લાવશે !
તટ તરંગો લ્હેરશે ને ફીણ ફગફગ વેરશે,
રેત પરનું નામ ભુંસનારા જ સ્મરણો લાવશે!
સાંજ અજવાળી- ગુલાબી, કેસરી, પીળી કરી,
યાદ સાતે રંગની ખારા જ સ્મરણો લાવશે!
પાંખના ફફડાટ પાછળ ડૂબશે કલરવ બધા,
ને ક્ષિતિજની રેખ અંધારા જ સ્મરણો લાવશે!
ચાંદની રાતે તડપશે આ ચકોરી એકલી,
રૂપની સોબત તરસનારા જ સ્મરણો લાવશે!
અશ્રુ-ભીની આંખ હરનિશ ખાળશે તંદ્રા છતાં,
સ્વપ્નની વર્ષા સળગનારા જ સ્મરણો લાવશે!
૨૦/૬/૦૯
છંદોવિધાનઃ ગાલગાગા ગાલગાગા ગાલગાગા ગાલગા
ઋણસ્વીકાર: ‘સપના’ (બાનુમા વિજાપુરા)ની એક ગઝલના અનુનાદ રૂપે રચાયેલી કૃતિ.
પંચમ શુક્લ (પ્રત્યાયન) 
19 Comments
મઘમઘતી ગઝલ ! ખૂબ જ મજાનું, અર્થસભર ને તેથી જ સાર્થક શીર્ષક !!
બધા જ શેરમાં ઈન્દ્રીયોના વીષયોને બન્ને પંક્તીમાં સાચવ્યા ને સાંકળ્યા છે છે ફક્ત ચોથા શેરમાં કાનનો વીષય બીજી પંક્તીમાં સંકળાતો નથી. (સાચું ?)
આભાર જુ.કાકા.
ઈન્દ્રિયોને સાંકળતું અર્થઘટન ઉમેરી કાવ્યને તમે એક નવું પરિમાણ આપ્યું. મને પણ જાણવા મળ્યું.
સ-રસ ગઝલ.
તટ તરંગો લ્હેરશેને ફીણ ફગફગ વેરશે,
રેત પરનું નામ ભુંસનારા જ સ્મરણો લાવશે!
સુંદર!!!!!!!!!!
આ શું પંચમદાનું નવીનીકરણ છે ? છેલ્લા કેટલાક સમયથી હું મારા જેવાને સહજતાથી સમજ પડે એવા જ કાવ્ય આસ્વાદી રહ્યો છું…
સુંદર ગઝલ…
વિવેકભાઈ, આ રચના 2009માં થઈ હતી. જે સમયે જેવું સૂઝે અને સ્ફૂરે એવું લખાય છે. જુદા જુદા મિત્રોને જુદી જુદી શૈલીની રચનાઓ ગમે છે એ જાણી મને પણ મોજ પડે છે.
પાંખના ફફડાટ પાછળ ડૂબશે કલરવ બધા,
ને ક્ષિતિજની રેખ અંધારા જ સ્મરણો લાવશે!
As always a very nice poetic creation by Pancham.
Siraj Patel “Paguthanvi”
Secretary
Gujarati Writers’Guild-UK (Estd 1973)
સરસ!
સુંદર મઘમઘતી ગઝલ.
મઝાની ગઝલ
પાંખના ફફડાટ પાછળ ડૂબશે કલરવ બધા,
ને ક્ષિતિજની રેખ અંધારા જ સ્મરણો લાવશે!
ચાંદની રાતે તડપશે આ ચકોરી એકલી,
રૂપની સોબત તરસનારા જ સ્મરણો લાવશે!
વાહ
પંચતંત્રની યાદ આપી
अंतॆ विप्रलंभिनी, वानर-जातिर् इव विद्रुतानॆक-चित्ता…
સંસ્કૃત વિરહનો ગુજરાતી અનુભવ ગમ્યો.આ વધારે ગમ્યું…
પાંખના ફફડાટ પાછળ ડૂબશે કલરવ બધા,
ને ક્ષિતિજની રેખ અંધારા જ સ્મરણો લાવશે!
– ‘khara’ na sthane ‘kaara'(‘kaala’) athava ‘andhara’ ane ‘andhara’ na sthane ‘badhira’ muki joiye to…? Parantu, ‘ne xitij ni rekh’ sathe ‘andhara’ j jame chhe. To pachhi… ‘kali kotadi ni dhar badhira j smarano lavashe’ em kahiye to? Is it matching yours’ and the poem’s temperament? Trying to learn…
Very good suggestion Bhavesh. I will have a close look at it once again.
પ્રિય પંચમદા,
અહાહા એ જમાનો યાદ આવી ગયો, જ્યારે તમે એક એક પંકતિમાં મારી મદદ કરતા હતા. અને આ ગઝલ માટે તમે મને ખૂબ મદદ કરેલી એનો ૠણ સ્વીકાર હું કરું છૂ મને ત્યારે પણ આ ગઝલ આટલી જ ગમી હતી અને આપના નામે મારાં બ્લોગમાં મૂકેલી જે આપે મને અર્પણ કરેલી આજે પણ એટલી જ વહાલી છે.. અહીં મારી ગઝલ મૂકવાની ગુસ્તાખી કરુંછું. આપનાં ઘણાં એહસાનો છે…ભૂલવા માટે નહીં યાદ રાખવા માટૅ..
સપના
સ્મરણો લાવશે.
મંદ મઘમઘતો પવન તારા જ સ્મરણો લાવશે,
ફૂલની આ ઓસ પ્રિય તારા જ સ્મરણો લાવશે.
ચાંદની આ રાત, ભીંજાતા તડપતા એ ચકોર,
રૂપથી રૂપેરી નદી તારા જ સ્મરણો લાવશે.
સાંજ અજવાળા કરે ગુલાબી મજાના એ છતાં,
આભનાં ઓજસ હવે તારા જ સ્મરણો લાવશે.
છે હવામાં ગુંજતો કલરવ પક્ષીઓનો ,પ્રિતમ,
પ્રેમનાં એ ગીત હા,તારા જ સ્મરણો લાવશે.
રેતનાં પગલાં સ્મરણને હચમચાવી નાખશે,
રેત પરનું નામ પ્રિય તારા જ સ્મરણો લાવશે.
જોઉ છું હું રાહ ,મારી આંખ પળ ભર જો મળે,
આજ સપનાં આંખનાં તારા જ સ્મરણો લાવશે.
સપના
પ્રિય પંચમ તથા સપનાજી,
આ બન્ને ગઝલોને સાથે રાખીને રસદર્શન કરવું છે, જો બન્ને સર્જકો મંજૂરી આપો.
જરૂર જુ. કાકા. મારી અનુમતિ છે. રસદર્શનથી મને પણ નવું જાણવા મળશે.
જુ.કાકાના રસદર્શન/વિવેચનની લિન્ક:
અનોખી ગઝલ. દરેક શેર લાજવાબ છે
મધુરો કલરવ ને મઘમઘતી ગઝલ અંદર અને બહાર બધે સ્પર્શી ગઈ.
શ્રી પંચમભાઈ..આદરણીય શ્રી જુગલકિશોરજીના રસ દર્શન માટે ઈંતજારી.
રમેશ પટેલ(આકાશદીપ)
વિપ્રલંભિની-શિર્ષકને ન્યાય આપતી મજાની રચના. આ બે શેર ખાસ પસંદ પડ્યા
પાંખના ફફડાટ પાછળ ડૂબશે કલરવ બધા,
ને ક્ષિતિજની રેખ અંધારા જ સ્મરણો લાવશે!
અને
અશ્રુ-ભીની આંખ હરનિશ ખાળશે તંદ્રા છતાં,
સ્વપ્નની વર્ષા સળગનારા જ સ્મરણો લાવશે!
વિપ્રલંભની વાત નીકળી તો આ કૃતિ યાદ આવી ..
http://www.mitixa.com/2008/106.htm
One Trackback/Pingback
[…] વિપ્રલંભિની Uncategorized var addthis_product = 'wpp-262'; var addthis_config = {"data_track_clickback":true,"data_track_addressbar":false};if (typeof(addthis_share) == "undefined"){ addthis_share = [];}♥ પંચમ શુક્લ મંદ મઘમઘતો પવન તારા-જ સ્મરણો લાવશે ! ફૂલ પાંખડીઓય ખરનારા જ સ્મરણો લાવશે ! તટ તરંગો લ્હેરશે ને ફીણ ફગફગ વેરશે, રેત પરનું નામ ભુંસનારા જ સ્મરણો લાવશે! સાંજ અજવાળી- ગુલાબી, કેસરી, પીળી કરી, યાદ સાતે રંગની ખારા જ સ્મરણો લાવશે! પાંખના ફફડાટ પાછળ ડૂબશે કલરવ બધા, ને ક્ષિતિજની રેખ અંધારા જ સ્મરણો લાવશે! […] પંચમ શુક્લ (પ્રત્યાયન) […]