♥ પંચમ શુક્લ
પ્રાસ વરાણી સાવ પ્રસંગી ગમ્મત છું,
ગીત-ગઝલને રંગ તરંગી ગમ્મત છું.
હાથ ઉપરનું હસવું હું છું, ખસવું હું,
ચાર ઘડીની પાંખ વિહંગી ગમ્મત છું.
ચાક ચડાવ્યું ઘાટ ઘડાવ્યું ઘડતર કે,
નાખ નિભાડે નિત્ય અભંગી ગમ્મત છું.
એમ રહું છું એક અજનબી અંગત છું,
આભ ચડું ત્યાં મુક્ત પતંગી ગમ્મત છું.
કંઠ ફુલાવી લલકારેલી રંગત હું,
રાન રખડતી વાટ વિસંગી ગમ્મત છું.
૬/૫/૧૯૯૩
16 Comments
એમ રહું છું એક અજનબી અંગત છું,
આભ ચડું ત્યાં મુક્ત પતંગી ગમ્મત છું.
ખુબ સુંદર આસ્વાધ્ય ગઝલ !
બહુ જ ઉચ્ચ પ્રકારની અભિવ્યક્તિ છે જે ઉંડી અનુભૂતિ વિના શક્ય નથી…ગીત ગઝલ ને રંગ તરંગી ગમ્મત છું..કવિની આવી નિસ્વાર્થ નિર્હેતુક ગમ્મત કોને ન ગમે ઈશ્વર પણ હરખાતા હશે નહિ ?
એમ રહું છું એક અજનબી અંગત છું,
આભ ચડું ત્યાં મુક્ત પતંગી ગમ્મત છું
NICE lines in a NICE Gazal….Keep writing.
Chandravadan ( Chandrapukar )
http://www.chandrapukar.wordpress.com
વર્ષો પછી પણ ગમે એવી ગઝલ છે. પંચમભાઈ તમે ખજાનાના માલિક છો.
Enjoyed your nice Gazal, Panchambhai!
Sudhir Patel.
ચાક ચડાવ્યું ઘાટ ઘડાવ્યું ઘડતર કે,
નાખ નિભાડે નિત્ય અભંગી ગમ્મત છું.
પંચમભાઇ
આ શે’ર ખુબજ ગમ્યો સરસ ગઝલ
ચાક ચડાવ્યું ઘાટ ઘડાવ્યું ઘડતર કે,
નાખ નિભાડે નિત્ય અભંગી ગમ્મત છું.
સુંદર અભિવ્યક્તિ
પંચમજી વાહ વાહ મજા આવી ગઇ..
જૂના ખજાનામાં પણ સારા મોતી ભર્યા છે…
ચાક ચડાવ્યું ઘાટ ઘડાવ્યું ઘડતર કે,
નાખ નિભાડે નિત્ય અભંગી ગમ્મત છું.
this is the game and the fun(pun)
of the game.
i always enjoy reading good poetry–you got one….
પંચમભાઇ..તમારી કવિતામાં રાજેન્દ્ર શુકલના કાવ્યોની સુવાસ અનુભવાય છે.
સુન્દર…ભાવ અને સુન્દર અભિવ્યક્તિ પણ…
‘ચાક ચડાવ્યું ઘાટ ઘડાવ્યું ઘડતર કે,
નાખ નિભાડે નિત્ય અભંગી ગમ્મત છું.’
ખુબ જ સરસ અભીવ્યક્તી..
હાથ ઉપરનું હસવું હું છું, ખસવું હું,
ચાર ઘડીની પાંખ વિહંગી ગમ્મત છું..Vivekbhai sachu kahyu.Panchamda moti verta raho.
Sapana
સાચે જ, ગમ્મત પડે તેવી મજબુત ગઝલ..
મઝા આવી ગઈ.
એમ રહું છું એક અજનબી અંગત છું,
આભ ચડું ત્યાં મુક્ત પતંગી ગમ્મત છું.
નિરાળા વ્યક્તિત્વનો આકર્ષક ઉઘાડ.
હવાના ઝોકાં સાથે મુક્ત ઉડવું અને પોતીકાપણું જાળવી રાખવું – એ બંને એકસાથે અઘરું છે. નિર્લેપ હોય તે કરી શકે.
ચાક ચડાવ્યું ઘાટ ઘડાવ્યું ઘડતર કે,
નાખ નિભાડે નિત્ય અભંગી ગમ્મત છું.
સુન્દર
ગુજરાતી ભાષાને અનેક લાડ લડાવનાર
અને સદાનવીન ઘાટ આપનાર કવિ …
કંઠ ફુલાવી લલકારેલી રંગત હું,
રાન રખડતી વાટ વિસંગી ગમ્મત છું.
ગમ્મત પડે તેવી mazani ગઝલno પંચમ Taste
Ramesh Patel(Aakashdeep)