તું તરણું પાથર

♥ પંચમ શુક્લ

કૈંક લખું, તું તરણું પાથર,
મસ્ત પવન પાથરણું પાથર.

હોય હવા પણ હોવું શું છે?
સૂર થઈ સાંભરણું પાથર.

સ્મિત વદનવત શૈશવ સ્રવતું,
વારિ અનોખું ઝરણું પાથર.

ખેંચ ખચીત કૈં ઉર્ધ્વ છલકશે,
શૂન્ય ગગન પર પરણું પાથર.

એક અજાયબ બંધ થયેલાં-
ચિત્ત મહીં ચાંદરણું પાથર.

૮-૫-૯૩

13 Comments

  1. pragnaju
    Posted July 8, 2008 at 1:57 pm | Permalink

    પંદર વર્ષે પણ નૂતન લાગતી સુંદર ગઝલ
    ધૈવત શુક્લનું કાવ્ય યાદ આવ્યું
    કંઈક ઊગ્યું અંદરથી આજે, દૈવત સઘળું મહીં વિરાજે, પવન હવે પાથરણું પાથર !
    ઘૂઘવે નાદ સમંદર ઘેરો, ચલો લગાવો અહીં જ ડેરો, ચંદ્ર હવે ચાંદરણું પાથર !

    અહીંઆ કે ત્યાં ફેર નથી કંઈ, કશુંય કડવું ઝેર નથી કંઈ, જગત મહીં કંઈ વેર નથી, ને
    સહજ સરકતું, લયે લહરતું ચિત્ત વિરાજે નીલ ગગન પર, સૂરજ કંચનવરનણું પાથર !

    જળહળ ઝળહળ તેજ પંજ થઈ, સમય સમયનો અવસર થઈને ઊડે શ્વાસોચ્છ્વાસ હવામાં
    સ્વટિક સમા નિતરેલા, નિમિલિત નેત્રોમાંથી વહી રહેલા વારી હવે નિર્ઝરણું પાથર !

    કેમ કરી સમઝાવું તમને, હું ને તું ની રમત મઝાની, રમતા રમતા શેષ કશું ના,
    પહેરીને આ વેશ મઝાનો, વેશ છતા અણવેશ મઝાનો, આભ હવે આભરણું પાથર !

  2. Posted July 8, 2008 at 2:29 pm | Permalink

    In fact, Dhaivat and me wrote the respective gazals with common radif ‘paathar’ on the same day.

    Here you can see Dhaivat’s gazal on his blog:
    http://dhaivat.wordpress.com/2007/11/12/aabh-have-aabharanu-paathara/

  3. Posted July 9, 2008 at 11:05 am | Permalink

    ચિત્ત મહીં ચાંદરણું પાથર….સુંદર શબ્દો..

  4. Posted July 10, 2008 at 2:52 pm | Permalink

    sunder rachana !!

    dhaivatbhaine tame jode j lakhata
    eno anand pan kevo anero hashe ?!!

    પહેરીને આ વેશ મઝાનો,
    વેશ છતા અણવેશ મઝાનો,
    આભ હવે આભરણું પાથર !

  5. Posted July 11, 2008 at 9:24 am | Permalink

    સ્મિત વદનવત શૈશવ સ્રવતું,
    વારિ અનોખું ઝરણું પાથર.
    કૈંક લખું, તું તરણું પાથર,
    મસ્ત પવન પાથરણું પાથર.
    ઘણીજ સરસ રચના પંચમભાઇ આ બે શેર અત્યારની ઘડીએ ઘણાજ ગમ્યા

  6. jugalkishorj
    Posted July 12, 2008 at 11:57 am | Permalink

    સંગીતના બે સુર પંચમ અને ધૈવત !!

    બન્નેને સાથે માણવા મળ્યા ! પ્રજ્ઞાબહેનની સ્મરણપોથીને લીધે જ કદાચ આ લાભ મળી ગયો. ધૈવતભાઈની રચનામાં જે પ્રલંબપણું છે તે અને જે લય છે તે રચનાને કેવી સભર બનાવી દે છે !

    પંચમ, તમારી આ ટચુકડી લાગતી છતાં તરણાથી લઈને આકાશના ગહન ઉંડાણોમાં લઈ જતી રચના માટે પણ ખાસમ્ ખાસ ધન્યવાદ આપવાના થાય છે.

    આવી જુગલબંધી બીજી પણ સર્જતા રહેજો !

  7. Posted July 15, 2008 at 12:21 pm | Permalink

    ખુબ સરસ લખો છો.

  8. Anonymous
    Posted July 18, 2008 at 6:28 pm | Permalink

    શ્રી પંચમ શુક્લજી, તમારી કવિતાઓ બહુ ગમી, અવારનવાર વાંચતો રહીશ.

  9. Posted July 25, 2008 at 1:29 pm | Permalink

    હોય હવા પણ હોવું શું છે?
    -કેવી ઝીણી વાત ! અને કેવી બ-ખૂબી વણી લેવાઈ છે?

  10. Posted July 26, 2008 at 2:13 am | Permalink

    સુંદર ભાવાભિવ્યક્તિ

  11. Posted July 31, 2008 at 5:22 pm | Permalink

    આનંદ આવ્યો.

  12. PARESH
    Posted March 1, 2009 at 10:49 am | Permalink

    ઓ પ્રિયતમ ! હું અક્ષર વડે અ ક્ષર ને શબદાંજલી આપું છુ. હું તારી જ સ્તુતિ કરું છું…તને તે પહોંચે છે? મારાં ઋદય દ્વારા થતો દંદુભિનાદ તને સંભળાય છે? કે પછી માંરી આંખમાંથી સરતાં અશ્રુઓની આરતી ઉતારીને તને જ હું ઝંખુ છું તેની તને ખબર છે? વિષેષ મારાં બ્લોગ પર = http://paresh08.blogspot.com/

  13. Posted January 12, 2010 at 10:32 am | Permalink

    અનાયાસે જ પાંચમાંથી ચાર તત્ત્વનો ઉલ્લેખ થયો છે.
    હજુ એક શેર ઉમેરી શકાય ?


Post a Comment

Required fields are marked *
*
*

%d bloggers like this: