ખગ વિવર્ણ ખેવના
♥ પંચમ શુકલ
હું જ રહું છું મારી અંદર ને
મારો માળો હું જ બનું છું.
ખીલે ખોડ્યું પંખી છું હું
લીલાં તરણાના નભમાં
સૂકું સૂકું ઘાસ ચણીને
પીળું પીળું ઊડું છું.
ઝીણી ઝીણી આંખોથી
હું રોજ પરોવું
ભૂરાં ભૂરાં ગહન ગગનમાં
ઘેરું ઘેરું નીલ નિમજ્જન!
કોઈ કહે કે- કીધાં વિના પણ
મારું ઉડ્ડયન હું જ બનું છું.
મારું ઊડવું,
સરવું, ઠરવું
ને ચાતરવું
ચિત્ત હવામાં;
લગીર બને તો-
પરોઢનાં ધુમ્મસની પીંછી જેવું
ઢાંકી દેવું
ને ઢંકાવું;
બસ વીંધાવું ઝાકળ જેવું
સૂર્ય કિરણનાં વિવર્ણ બાણે
ને રેલાવું
ઇન્દ્નધનુની કોરે કોરે
રોજ સવારે
રંગ રંગના ગીત ગુંજતા ટાણે.
7/7/07
This entry was written by
પંચમ શુક્લ and posted on
May 7, 2009 at 3:40 pm and filed under
અંગત,
કાવ્ય with tags
ઈન્દ્રધનુ,
ઉડ્ડયન,
ખગ,
ગગન,
ઝાકળ,
ધુમ્મસ,
નિમજ્જન,
પંખી,
પંછી,
પક્ષી,
પરોઢ,
બર્ડ,
બાણ,
માળો,
રંગ,
વિહગ,
સવાર,
સૂર્ય. Bookmark the
permalink. Follow any comments here with the
RSS feed for this post.
Post a comment or leave a trackback:
Trackback URL.
12 Comments
સુંદર કાવ્ય..
માણસને ખુદનો પરિચય હોય તે આવશ્યક છે,પણ..‘સ્વ’ને ઓળખવાની વૃત્તિ હોય એ અગત્યનું છે.
lovely poem- especially I liked-
બસ વીંધાવું ઝાકળ જેવું
સૂર્ય કિરણનાં વિવર્ણ બાણે
ને રેલાવું
ઇન્દ્નધનુની કોરે કોરે
રોજ સવારે
રંગ રંગના ગીત ગુંજતા ટાણે.
એક નવું આકાશ ઉઘાડી આપવા બદલ વિહંગ જાનીને પ્રેમ પૂર્વક અર્પણ કરેલી કાવ્ય ફરી ફરી માણતા આનંદ
આ પંક્તીઓ ખૂબ ગમી
મારું ઊડવું,
સરવું, ઠરવું
ને ચાતરવું
ચિત્ત હવામાં;
ઊના ઊના દેહથી દાઝી ગયેલી હવા હાંફતા એઅવાજે પૂછ્યા કરે રગોમાં વહી રહેલો સૂર્ય ક્યારે આથમશે ? …. ને ચાતરવું ચિત્ત હવામા;. લગીર બને તો- પરોઢનાં ધુમ્મ્સની પીંછી જેવું ઢાંકી દેવું ને ઢંકાવું … એવી હવા છે, કોઇ એવી છે લ્હેર, મનમૂંગાને બોલવું અપાર, વેણમહીં બોલ ના પુરાય રે અધિર, ..
શુભ પ્રભાત પંચમભાઈ, કાવ્ય ખૂબ જ ગમ્યું. મળતા રહીશું.
બસ વીંધાવું ઝાકળ જેવું
સૂર્ય કિરણનાં વિવર્ણ બાણે
ને રેલાવું
ઇન્દ્નધનુની કોરે કોરે
રોજ સવારે
રંગ રંગના ગીત ગુંજતા ટાણે.Very nice manne maja aavi gai.
Sapana
મારું ઉડ્ડ્યન હું જ બનાવું છું.સુન્દર વાત.
શરૂઆતની પહેલી પંક્તિ..વધારે ગમી.
જાતની અંદર રહેવાની વાત..સ્પર્શી ગઇ.
કટાવ છંદના ટૂકડામાં લખાયેલું સુંદર લય ઉત્પન્ન કરતું કાવ્ય!
સુધીર પટેલ.
મારું ઊડવું,
સરવું, ઠરવું
ને ચાતરવું
ચિત્ત હવામાં;
પંચમજી સુંદર અનુપ્રાસ, ખરે ખર સુંદર
ખૂબ ગમ્યું આ કાવ્ય..
લતા હિરાણી
તમારી શૈલી એટલે એક્દમ અનોખી! ખૂબ સરસ ભષામા સંકલિત કરેલ કવિતા! ગમી ગયુ. મઝા આવી ગઈ!
ખૂબ સુંદર રચના છે.
મને તમારી રચનાઓ ખૂબ ગમે છે.
બસ વીંધાવું ઝાકળ જેવું
સૂર્ય કિરણનાં વિવર્ણ બાણે
ને રેલાવું
ઇન્દ્નધનુની કોરે કોરે
રોજ સવારે
રંગ રંગના ગીત ગુંજતા ટાણે
Mind blowing expression having
beauty of thoughts.
Very nice.
Ramesh Patel(Aakashdeep)