મહાદેવ હર હર છે ભાઈ

 ♥ પંચમ શુક્લ
ખીચડીના ડુંગરની ફરતે કઢીયુંના સાગર છે ભાઈ,
ઘીની ઘેન ઘટા ઓગળતી મહાદેવ હર હર છે ભાઈ.
પતરાળાના પૂરની વચ્ચે લીલાછમ જંગલની ખુશબૂ,
પડિયે પડિયે પ્રગટેલો જીવ ખેરાતી ખાખર છે ભાઈ.
ખસખસ ખીલ્યાં લખચોરસી લાડુની લાખેણી પંગત,
જડબામાં ઓરાતું ઝળહળ સબ ભૂકો ભરભર છે ભાઈ.
પલાઠીયુંના આટાપાટા ભરમાંડી નિસરણી ભાઈ,
જઠરાગ્નિની ઝાળ અડે ઈ સહસ્ત્રાર ટાવર છે ભાઈ.
અપાનાય ને ઉદાનાય ને [...]